SOKOL HALILI – SHALA
Lindi në fshatin Trubohoc, komuna e Istogut, në një familje me një ekonomi mesatare dhe me një autoritet të lartë në shoqëri. Gjyshi i Sokolit erdhi nga fshati Isniq, për një jetë më të mirë në fshatin Trubohoc. Shkollën fillore e kreu në vendlindje, në fshatin Saradan dhe Trestenik, kurse shkollën normale në Pejë. Fakultetin Filologjik – Dega e Gjuhës dhe e Letërsisë Shqipe në Prishtinë. Gjatë studimeve, shkruan e boton nëpër shtypin periodik. Së pari paraqitet me prozë, në “Zërin e rinisë”. Pastaj në gazetën e përditshme “Rilindja” boton kohë pas kohe poezitë e para. Ka botuar librin “Rrugëtimi në Origjinë”.
Pas studimeve punësohet si gazetar në Televizionin e Prishtinës, ku punon deri në vitin 1990, derisa i përzunë forcat serbe për shkak se nuk e pranojnë pushtetin e Serbisë.
NGROHTËSI SHPIRTI
Universi i shpirtit tënd
sa me afrohet aq më ikën
Duke e fshehur aromën e flokëve
Hijeshinë e syve ngjyrë ulliri
Dhe detajet e natyrës sate të virgjër
Kur Ylli i Mëngjesit
Humb dritën dhe zhdaravitet
me retë e humbura
Takohet me ditën e re
Dhe shpresa që të takoj Ty
Me ngatërrohet me dëshirën që pata
se me ëndrra e ngrohtësi shpirti
Kurrë s’u ngopa
E gjumin ma morën hyjneshat
e Zeusit
Derisa të lagem me ujë
në Grykëdetin Dardan
Ku laheshin Perënditë e Muzat
Dhe shpërlaheshin
Tanagra, Hesiona dhe
Helena
Atëherë besoj
se do t’i gjej brigjet e
Rrezeshpirtit