Safete Shasivari – Rexhepi lindi në një familje arsimdashëse të Gjakovës. Shkollën fillore dhe të mesme i kreu në vendlindje, ndërsa studimet universitare në Fakultetin Ekonomik të Beogradit.
Për krijimtari letrare është vlerësuar qysh në bankat shkollore dhe është shpërblyer me çmimin prestigjioz të bibliotekës së qytetit të Gjakovës.
Deri tash ka botuar këto vepra:
E ngjashmja të ngjashmes i gëzohet, prozë, 2004; Kthesat e jetës, prozë, 2005; Madhështi kohe, roman, 2007; Dritare shpirti, poezi, 2009; Tri harqe, poezi, LSHK, 2016.
Autorja kryesisht punimet e veta i ka botuar në revistën letrare Metafora, kurse punimet e saj janë përfshirë në disa antologji.
Për krijimtari letrare është nderuar me çmime letrare e mirënjohje.
Është anëtare e Lidhjes së Shkrimtarëve të Kosovës.