Ramë Oraca lindi në tetor 1957, në Obranqë të Llapit. Është mësimdhënës në shkollën e mesme ekonomike ”Isa Boletini” të Podujevës. Shkruan poezi, prozë e dramë. Deri tash është shpërblyer në shumë konkurse letrare. Në takimin letrar “Esad Mekuli”, 2017, të cilin e organizon LSHK-ja, është vlerësuar me çmimin “Bardi I”. Poezia e këtij autori është vlerësuar në disa konkurse letrare dhe është botuar në antologji të ndryshme.
Rama gjithashtu ka realizuar mbi pesëdhjetë role në teatrin e qytetit “Avdush Hasani” të Podujevës. Me monodramën “Baladë dheu” ka përfaqësuar Kosovën në dy festivale ndërkombëtare.
Është anëtar i Kryesisë së Lidhjes së Shkrimtarëve të Kosovës.
Jeton dhe vepron në Podujevë.
Ka botuar vëllimet poetike:
Teatri memec, “Rilindja”, Prishtinë, 1998
Fat i paemër, “Rilindja”, Prishtinë, 2000
Midis dy vdekjeve, “Anton Pashku”, Podujevë, 2003
Kënga e këputur, “Faik Konica”, Prishtinë, 2016
Jeta në libër, “Faik Konica”, Prishtinë, 2018