Hysen Matoshi ka lindur më 31.7.1967 në fshatin Gmicë të Dardanës. Pasi ka mbaruar studimet e rregullta dhe ato pasuniversitare, më 1996 ka filluar punën në Degën e Letërsisë të Institutit Albanologjik të Prishtinës.
Deri tani, në kuadër të planit botues të Institutit Albanologjik të Prishtinës, ka botuar veprat:
Poezia e Lasgush Poradecit në kontekstin e poezisë evropiane (monografi), 2000
Shqyrtime letrare (përmbledhje studimesh e shkrimesh), 2005
Stilet në letërsinë shqipe ndërmjet dy luftërave botërore (monografi), 2008
Sprova albanologjike (përmbledhje studimesh), 2016 etj.
Ka qenë recensues, redaktor dhe redaktor gjuhësor i dhjetëra librave dhe revistave të ndryshme shkencore. Gjithashtu ka botuar në periudhën e kaluar më se dyqind e pesëdhjetë njësi bibliografike (studime, recensione, shkrime publicistike, eseistike etj.) në periodikun shkencor dhe në shtypin e Kosovës, të Shqipërisë, të Maqedonisë etj.
Gjithashtu ka marrë pjesë në veprimtari të ndryshme shkencore e letrare të organizuara në vend dhe jashtë tij, si në konferenca shkencore, simpoziume, sesione, tryeza, promovime veprash etj.
Prof. dr. Hysen Matoshi aktualisht është këshilltar shkencor në Degën e Letërsisë dhe drejtor i Institutit Albanologjik të Prishtinës.