HAMIT MAJKOVCI
Lindi më 21.07.1971, në fshatin Dyz, komuna e Besianës. Shkollën fillore e kreu në vendlindje, të mesmen – drejtimi ekonomik, “Isa boletini”, në Besianë. Ka studiuar në Universitetin e Prishtinës në Fakulteti Ekonomik. Për shkak të rrethanave politike detyrohet ta ndërpresë, kurse më pas ta vazhdojë…
Pas luftës së UÇK-së është regjistruar në Shkollën e Lartë Pedagogjike – Drejtimi Klasor në Universitetin e Prishtinës, të cilën e ka mbaruar me sukses dhe më pas ka kryer dhe dy vjet në Fakultetin e Edukimit të Universitetit të Prishtinës për të marrë titullin bachelor.
Nga shtatori i viti 1999 punon si mësues në SHFMU “Jetullah Islami” të Dyzit, ndërsa jeton në fshatin Batllavë të komunës ës Besianës.
Deri tash ka botuar këto vëllime poetike:
“Shpërthime poetike“, poezi, “Zero Print”, Prishtinë, 2017
“Identiteti“, “poezi, Trend”, Prishtinë, 2017
“Shtigje jete“, poezi, “Lena”, Prishtinë, 2018
“Përej qiejve të lirisë“, “Lena”, Prishtinë, 2018
“Përqafoje qiellin tënd, Kosovë“, “Lena”, Prishtinë, 2021
“Fjala në retë e shkronjave“, “Lena”, Prishtinë, 2021
“Adresa ime e heshtur“, “Lena”, Prishtinë, 2021
“Një copë udhë historisë“, “Lena”, Prishtinë, 2022
“Kodi i fjalës“, “Lena”, Prishtinë, 2022
MALLKIMI
Një zog rigonte lot
përronjve të shpirtit
çfarë rrjedhe.
Një ketër në heshtje
mallkonte dorën,
që mbi pyje solli vdekje.