Gjokë Sokoli

Gjokë Sokoli lindi më 30.03.1951, në fshatin Radoniq të Gjakovës, kurse jeton në fshatin Meje të Gjakovës. Nga shkolla e mesme shkruan poezi, të cilat i ka botuar nëpër revista të ndryshme.
Ka kryer shkollën e lartë pedagogjike, drejtimi histori-gjeografi, pastaj kryen fakultetin juridik dhe magjistron në Universitetin e Prishtinës. Njëzet e pesë vjet ka punuar dispeçer përgjegjës në “KOST” – dega e Prishtinës në Gjakovë.
Është anëtar i LSHK-së, i klubit letrar “Gjon Nikollë Kazazi” të Gjakovës, i Shoqatës së Intelektualëve në Gjakovë, i kryesisë në “Penat e Dushkajës”, anëtar i Shoqatës Bytyçi të Tiranës etj. Merret me krijimin e studimin e zhanreve të ndryshme. Përveç poezisë, merret me mbledhjen e thesarit tonë popullor, me publicistikë dhe kritikë letrare.
Në luftën e fundit si familje përjetuan tragjedi të madhe, iu vranë tre vëllezër, djali i vëllait 17-vjeçar,  djali i axhës profesor – Dëshmor i kombit.

Ka botuar këto vepra:

Këngë shprese, poezi, “Berati”, Prizren, 2000

Fitorja rrjedh nga zemra, ”Artgrafika”, Gjakovë, 2004

Nëpër kohë dhe ngjarje, poezi, “Blini”, BK, Gjakovë, 2005

Shekulli i martirizimit, publicistikë, ”Artgrafika”, Gjakovë, 2008

Atdheu ne peshojë, poezi, “Pjetër Bogdani”, Has – Gjakovë, 2008

Prozë popullore nga Rrafshi i Dukagjinit 1, folklor, Blini BK Gjakovë, 2010

Krimët serbe në Kosovë – Masakra e 14-27 prillit 1999 në Meje dhe Korenicë të Gjakovës, publicistikë

Heshtja flet, poezi, Blini B, Gjakovë, 2015

Panoramë e poetëve të Gjakovës dhe të Tropojës – antologji poetike, Blini B, Gjakovë, 2015

Prozë popullore nga rrafshi i Dukagjinit 2, folklor, Blini B, Gjakovë, 2015

Aspekti juridiko-penal i gjenocidit si vepër penale kundër njerëzimit, studim, Ardi-Graphic, Gjakovë, 2018

Dritë e lëkundur para valëve, poezi, Ardi-Graphic-Gjakovë, 2018

Vargjet janë dashuri, poezi, Ardi-Graphic, Gjakovë, 2018