Ali Sh. Berisha lindi më 20.6.1949 në fshatin Llukar, komuna e Prishtinës. Shkollën fillore e kreu në vendlindje, gjimnazin, SHLP – Dega e Albanistikës, Fakultetin filologjik – Dega Letërsi dhe Gjuhë Shqipe në Universitetin e Prishtinës.
Nga viti 1971 e deri në vitin 1976 punoi në Normale të Prishtinës, nga 2 shkurti i vitit 1976 e deri më 5 korrik 1990 në Televizionin e Prishtinës, në vitin 1992 dhe 1993 punoi në Qendrën për Informim të Kosovës, nga viti 1993 punoi arsimtar i gjuhës shqipe në shkollën fillore “Zenel Hajdini” të Prishtinës, nga fillimi i vitit 2003 e deri në gusht të vitit 2005 punoi në Radiotelevizionin e Kosovës kur edhe migroi në Gjermani.
Për pjesëmarrje në demonstratat e vitit 1968 dhe për udhëheqjen e referendumit për pavarësi në “Kodrën e Trimave”, Prishtinë, më 1991 u dënua me burg.
Me shkrimin e poezisë u mor qysh si gjimnazist dhe vazhdon edhe sot. Shkroi prozën e shkurtër për fëmijë si dhe tregime për të rritur, të cilat i botoi nëpër gazetat dhe revistat e kohës. Nga viti 1990 u mor me hulumtime trashëgimore e historike.
Botoi këto vepra:
- Dua ta pres lirinë, rrëfejza për fëmijë, “Fjala jonë”, Prishtinë, 1996
- Krizantemë për Nëntorin e Tretë, poezi, botim i autorit, 1997
- Bashkia e Llukarit (monografi), botues autori, 1998
- Bashkia e Llukarit II – Masakrat serbe në Bashkinë e Llukarit (monografi), botues autori, 2000
- Dhembje e krenari, poezi, botues autori, 2001
- Flijimet për tokën e lirë në Gallapin e Prishtinës (monografi), Botues autori. (Kjo monografi është njëherit edhe pjesa e VI e projektit “Gallapi i Prishtinës”), 2002
- Ujë dhe prush, poezi, botues autori, 2003
- Gurë me rrënjë, roman historik, botues autori, 2004
- Alfabeti i shpirtit, poezi, botues autori, 2004
- Globi, roman për fëmijë, botues autori, 2004
- Turbulencë, poezi, “Zef Serembe”, 2004
- Kuvendi i mbretërisë së lodrave, poezi për fëmijë, botues autori, 2008
- Gallapi i Prishtinës I, botues autori, 2008
- Gallapi i Prishtinës II, botues autori, 2009
- Gallapi i Prishtinës III (bashkautor), botues autori, 2009
- Muza e dhembjes, poezi, botues autori, 2010
- Gallapi i Prishtinës IV, botues autori, 2010
- Gjyshi ka siklet, poezi për fëmijë, botues autori, 2011
- Gallapi i Prishtinës VII, botues autori, 2012
- Çlirimi i shpirtit, poezi, botues autori, 2012
- I kujt është dielli, tregime, “Rugova Art”, 2013
- Gallapi i Prishtinës V, “Meshari”, Prishtinë, 2014
- Gallapi i Prishtinës VIII, “Meshari”, Prishtinë, 2014
- Gjyshja dhe mbesa, poezi për fëmijë, “Prishtina press”, 2015
- Rrëfimi për gërshërët, poezi, “Meshari”, Prishtinë, 2015,
- Gërshërët, poezi, “Meshari”, Prishtinë
- Ahmet Syla-Shtimja, monografi, “Meshari”, Prishtinë, 2016,
- Loti i padukshëm, poezi, “Meshari”, Prishtinë, 2016,
- Hije në mjegull, roman, “Meshari”, Prishtinë, 2016,
- Plis nën rrashtë, poezi, “Atunis”, 2016
- Orkide n’dritare, poezi, “Atunis”, 2017
- Ora e Gjergjit, poezi, “Meshari”, Prishtinë, 2018